2024-yil 1-mart kuni Xorazm viloyati qo’g’irchoq teatri ijodkorlari tarixiy ahamiyatga ega yangi loyiha asosidagi teatrlashtirilgan tomoshalarini boshlashdi. Ushbu loyiha doirasiga kiruvchi «Xon va saroy a’yonlarining yurishi», «Milliy qo’g’irchoq o’yinlari » kabi tomoshalar teatr va Ichan qal’a muzey qo’riqxonasi o’rtasidagi o’zaro shartnomaga binoan «Ichan qal’a» xududida xorijiy va mahalliy sayyohlar uchun namoyish etildi.