Xorazm viloyati qo’g’irchoq teatrining 30 yilligi munosabati bilan 2023-yil 4-noyabr kuni Xiva shahridagi “Said Islom Xo’ja” mexmonxonasining tantanalar saroyida katta bayramona tadbir tashkil etildi.
Tadbirda Xorazm viloyati xokimligi, viloyat madaniyat boshqarmasi mutasaddi rahbarlari, viloyatdagi idora-tashkilotlar xodimlari, faxriy madaniyat xodimlari hamda teatr sohasiga befarq bo’lmagan keng jamoatchilik vakillari ishtirok etishdi. Teatrning to’rt nafar fidoyi xodimlari: Davlatnazar Yusupov, Yusufboy Allaberganov, Gulbahor Yusupova, Aziza Tillaevaga, shuningdek, teatrning ko’p yillik ijodiy hamkori, Germaniyaning “Xameleon” teatri rahbari, rejissor va pedagog Yurgen Saxmannga O’zbekiston Respublikasi Madaniyat vazirligining tegishli buyruqlariga asosan “Madaniyat va san’at fidokori” ko’krak nishoni topshirildi. Jamoaning faol a’zolariga viloyat xokimligi va madaniyat boshqarmasining “Tashakkurnoma” lari hamda kasaba uyushma қo’mitasining maxsus sovg’alari taqdim etildi.
Tantanali tadbir teatrlashtirilgan tarzda bayramona ruhda o’tkazildi.
Xorazm viloyati qòģirchoq teatrining doimiy ijodiy xamkorlaridan biri, malakali rejissor Evelina Aripova teatrga tashrif buyurdi. U bugun teatr tashkil etilganining 30 yilligiga baģishlangan tantanali tadbirda ishtirok etdi.
2023 -yil 4 — noyabr kuni Yurgen Saxmann Xorazm viloyati qòģirchoq teatri ijodkorlari uchun teatr oldi maydonida navbatdagi maxorat darslarini tashkil qildi. Maxorat darslarining yakuniy qismi teatr binosi ichkarisida òziga xos tarzda òtkazilib, unda Yurgen Saxmann mazkur jarayonlarda qatnashgan teatr jamoasidan bu bòyicha taassurotlari va muloxazalarini sòradi. Har bir ijodkor bunga javoban òz taassurotlarini va muloxazalarini bildirib, egallangan bilim xamda orttirilgan tarjiba uchun nemis teatr mutaxassisiga minnatdorchilik izhor qilishdi
Xorazm viloyati qòģirchoq teatrining yangi loyixasi asosidagi Ichan Qal’a majmuasi bòylab teatrlashtirilgan òziga xos chiqishlari tobora òz samaralarini bermoqda. 1-2 noyabr kunlari Xiva shahrining tarixiy markazida teatr tomonidan taqdim etilayotgan «Qòģirchoqlar aravasi» badiiy kompozitsiyati, Xon va saroy a’yonlarining yurishlari xamda milliy folklor tomoshalari mahalliy va xorijiy sayyohlarga namoyish etildi.
2023-yil 2-noyabr kuni Germaniyalik teatr sohasi mutaxassisi, rejissor Yurgen Saxmann Xorazm viloyati qòg’irchoq teatrida òzining navbatdagi mahorat darslarini òtkazdi. Unda ishtirok etgan teatr ijodkorlari bir olam taassurotlarga ega bòlishdi.
