2022-yil 22-dekabr kuni Xorazm viloyati qo’g’irchoq teatrida teatr repertuar rejasining III-choragiga kiritilgan davlat buyurtmasi asosidagi D.Yusupovning «Jaloliddin Manguberdi» spektakli (rejissyor Shomurod Yusupov) ning badiiy kengash va jamoatchilik ko’rigiga taqdimoti o’tkazildi. Taqdimotda Xorazm viloyati Madaniyat boshqarmasi boshlig’i X.Sapaev, Xiva Ichan qal’a muzey qo’riqxonasi direktori Sh.Madaminov, Xiva shaxar Madaniyat uyi raxbari M.Madrimova, teatr san’ati soxasi yetuk mutaxassislari: O’zbekiston Xalq artisti G.Raximova, S.Qodirov, O. Abdullayev, M.Quryazov, O’zbekiston Yozuvchilar uyushmasi a’zosi O.Ismailov va keng jamoatchilik vakillari ishtirok etdi. Yangi saxna asari badiiy kengashi tomonidan yuksak baxolanib, kengash ishtirokchilarining e’tirofiga sazovor bo’ldi.
2022-yil 15 -17 dekabr kunlari Xorazm viloyatii qo’g’irchoq teatri ijodiy jamoasi tajribali rejissyor Shomurod Yusupov boshchiligida «Jaloliddin Manguberdi» spektakli repetitsiyasi jarayonlarini yana davom ettirishdi. Respublikamiz poytaxtidan jalb etilgan teatr soxasi yetuk mutaxassislarini Shomurod Yusupov xamda malakali rassom Mòtabar Ròzmetovaning saxnalashtirish jarayonidagi òziga xos tajribasi xamda iqtidori teatrning yosh xodimlari uchun maxorat darsi vazifasini xam òtadi. Tajribali rejissyor va rassomning fidoyiligi, jamoa bilan xamjixatligi tufayli gòzal bir san’at asari yaratilish arafasida turibdi.
2022-yil 14 -dekabr kuni Xorazm viloyatii qo’g’irchoq teatrida 2022-yil repertuar rejasiga kiritilgan davlat buyurtmasi asosidagi «Jaloliddin Manguberdi» spektaklining sahnalashtirish jarayonlari qizg’in davom ettirildi. Tajribali rejissyor Shomurod Yusupov boshchiligida ijodiy guruh jadallik bilan repetitsiya jarayonlarini o’tkazmoqda. Teatr saxnalashtirish bo’limida qo’g’irchoq ustalari xamda rassomlar va boshqa mutahassislar qizg’in ish olib borishmoqda.
Xorazm viloyatii qo’g’irchoq teatrida 2022-yil repertuar rejasiga kiritilgan davlat buyurtmasi asosidagi «Jaloliddin Manguberdi» spektaklining sahnalashtirish jarayonlari boshlandi. Mashg’ulotlar poytaxtdan jalb qilingan respublika miqyosidagi maxoratli va tajribali rejissyor Shomurod Yusupov boshchiligida olib borilmoqda.
2022-yil 7-dekabr kuni Xorazm viloyati qòg’irchoq teatri bosh rejissiyori Gulbaxor Yusupova O’zbekiston Respublikasi Prezidentining 2022-yil 8-noyabrdagi Farmoniga binoan ta’sis etilgan » O’ZBEKISTON KONSTITUTSIYASINING 30 YILLIGI «estadilik nishoni bilan taqdirlandi. Ushbu esdalik nishoni Viloyat xokimligida tantanali ravishda topshirildi.
