Хоразм вилояти қўғирчоқ театри ижодкорлари 11-ноябрдан 21-ноябрга қадар “Янги Ўзбекистон — янгича дунёқараш” шиори остида ўтказилган тарғибот тадбирларида фаол қатнашишди. Вилоятимизнинг барча шаҳар ва туманлари бўйлаб ўтказилган тадбирлар доирасида мамлакатиимизда олиб борилаётган улкан ислоҳотлар ва уларнинг натижаларини ёритиб бериш, кенг оммага етказишда алоҳида фаоллик кўрсатган театр ижодкорларидан бир гуруҳи маҳсус сертификатлар ва эсдалик совғалар билан тақдирландилар.
18-ноябр куни Хоразм вилояти қўғирчоқ театрида Ўзбекистон Республикаси давлат байроғи қабул қилинган кун кенг нишонланди. Ушбу муҳим сана муносабати билан давра суҳбати ташкил қилиниб, уни театр директори Д.Атабаев очиб бериб, барчани тариҳий кун билан қутлади.
Тадбир давомида театр адабий эмакдоши Д.Юсупов, режиссёр ёрдамчиси Д.Худайберганов, иқтидорли актёрлардан У.Аллаберганов, Б.Матниёзов, Қ.Матниёзова Х.Соипов, М.Машариповлар сўзга чиқишди.
Шунингдек, давлат байроғимизни мадҳ қилувчи шерлар ҳам ўқилди. Айниқса Ўзбекистон Республикаси Мадҳиясининг бутун жамоа жўрлигида куйлангани тадбирга янада шукуҳ ва файз бағишлади.
@Xorazmkukol
2020 йил 16 ноябрь куни Вилоятимизнинг чекка ҳудудларидан бўлган Шовот туманининг Махтумқули қишлоғида жойлашган 17-сон мусиқа мактабида “Янги Ўзбекистон –янгича дунёқараш” шиори аостида тарғибот тадбирида вилоят қўғирчоқ театри актёрлари “58-Хон” театрлашган томошасини намойиш қилишди.
Тадбирлар давом этмоқда.
Тарғибот тадбирлари давом этмоқда.
Вилоятимизнинг барча шаҳру қишлоқларида, маҳаллаларида “Янги Ўзбекистон –янгича дунёқараш” маънавий-маърифий тарғибот тадбирлари давом этмоқда. Бу тадбирларда зиёлилар, шоир ва ёзувчилар, олимлар қаторида маданият ва санъат соҳаси вакиллари ҳам иштирок этишмоқда.
Хоразм вилояти қўғирчоқ театри ижодий жамоаси ҳам муҳим ва хайрли тадбирларда фаол қатнашмоқда.
Жумладан вилоятимизнинг Янгибозор туманида 2 та, Хонқа туманида 3та, Қўшкўпир туманида 4та, Хива шаҳрида 4 та ва Янгиариқ туманида 4та ижодий ходимларимиз бўлиб ўтаётган тадбирларда фаол иштирок қилишаяпти.
Ижодий ходимларимиз томонидан тадбирлар давомида Мухаммад Юсуфнинг “Онаизор”, “Ота”, “Меҳр қолур” Абдулла Ориповнинг “Мен нечун севаман Ўзбекистонни”, Махмуд Тоирнинг “Элда бўлсин” Матназар Абдулхакимнинг “Дарсдан сўнг”, “Мозийга қайтиб” туркимидан “58-Хон” театрлаштирилган томошаси ижро қилиниб бугунги кундаги ислоҳотлар ва янгиланишлар тўғрисида таъсирли маърузалар ўқилмоқда.
2020 йил 4 ноябрь куни Хоразм вилояти қўғирчоқ театри ижодкорлари репертуардаги «қувноқ томоша » спектаклини Хива шахридаги 2та НМТТида намойиш этишди
