2024-yil 27-dekabr kuni Xorazm viloyati qo‘g‘irchoq teatrida Xiva shahar hokimi Temur Davletov shahrimizda istiqomat qiluvchi oilalar farzandlarining 27 nafariga yangi yil bayrami munosabati bilan bayram sovg‘alarini taqdim etdi. Mazkur jarayonda teatr ijodkorlari ham Qorbobo obrazini gavdalantirgan holda ishtirok etib, bolajonlarga xush kayfiyat bag‘ishlashdi. 
Янгиликлар
2024-yil 25-26 dekabr kunlari Xorazm viloyati qo‘g‘irchoq teatri ijodkorlari Yangi yil bayram dasturlari doirasida Xiva shahri Markaziy archasi atrofida teatrlashtirilgan tomoshalar hamda spektakllar namoyishini tashkil etib, shahar aholisi va mehmonlariga haqiqiy bayramona kayfiyat bag‘ishlashdi.
2024-yil 26-dekabr kuni Xorazm viloyati qo‘g‘irchoq teatri jamoasi Xiva shahri bo‘ylab o‘tkazilgan «Qorbobolar marafoni» da alohida faollik ko‘rsatib ishtirok etishdi va mazkur bayramona tadbirning fayzli o‘tishiga o‘zlarining munosib hissilarini qo‘shishdi.
Xorazm viloyati qo‘g‘irchoq teatri 2024- yil 25-dekabr kuni yangi yil bayrami munosabati bilan tayyorlangan yangi dastur asosida bayramga xos sarguzashtlarga boy spektakllar bilan Xiva shahridagi MTTlarda mehmon bo‘lib, bolajonlarga ko‘tarinki kayfiyat ulashishda davom etmoqda. Shuningdek, teatrning tomosha zalida Xiva shaxri o‘rta maktablaridan tashrif buyurgan o‘quvchilar uchun B. Matniyazovning «Qorboboga maktub» spektakli namoyish etildi.
2024-yil 25-dekabr kuni Xorazm viloyati qo‘g‘irchoq teatri bir guruh ijodkorlari Urganch shahrida Viloyat musiqali drama teatrida tashkillashtirilgan «Prezident archasi» tantanalarida faol ishtirok etib, katta bayramona dasturga tashrif buyurgan yoshlar o‘smirlar va bolajonlarni kutib olish jarayonlariga haqiqiy bayramona shukuh bag‘ishlashdi.