2024-yil 28-29- dekabr kunlari Xorazm viloyati qo‘g‘irchoq teatri ijodkorlari viloyat markazi Xiva shahrida o‘rnatilgan markaziy archa atrofida mahalliy aholi va mexmonlar uchun yangi yil bayram dasturi doirasidagi teatrlashtirilgan tomoshalarni taqdim etishdi.
2024-yil 28-dekabr kuni Xorazm viloyati qo‘g‘irchoq teatrida O‘zbekiston Liberal demokratik partiyasi Xiva shahar kengashi tomonidan bayramona tadbir tashkil etilib, Xiva shahar mahallalaridan tashrif buyurgan bolajonlar uchun sovg‘alar ulashildi. Bayramona dastur davomida Xorazm viloyati qo‘g‘irchoq teatri ijodkorlari tomonidan B. Matniyazovning «Qorboboga maktub» spektakli namoyish qilindi. Sarguzashtlarga boy qiziqarli sahna asari tomoshasi bolajonlarga manzur bo‘ldi.
Xorazm viloyati qo‘g‘irchoq teatri 2024- yil 27-dekabr kuni yangi yil bayrami munosabati bilan tayyorlangan yangi dastur asosida bayramga xos sarguzashtlarga boy spektakllar bilan Urganch va Xiva shaharlardagi MTTlarda mehmon bo‘lib, bolajonlarga ko‘tarinki kayfiyat ulashishda davom etmoqda. Shuningdek, teatrning tomosha zalida Xiva shaxri o‘rta maktablaridan tashrif buyurgan o‘quvchilar uchun B. Matniyazovning «Qorboboga maktub» spektakli namoyish etildi.
2024-yil 27-dekabr kuni Xorazm viloyati qo‘g‘irchoq teatrida Xiva shahar hokimi Temur Davletov shahrimizda istiqomat qiluvchi oilalar farzandlarining 27 nafariga yangi yil bayrami munosabati bilan bayram sovg‘alarini taqdim etdi. Mazkur jarayonda teatr ijodkorlari ham Qorbobo obrazini gavdalantirgan holda ishtirok etib, bolajonlarga xush kayfiyat bag‘ishlashdi. 
2024-yil 25-26 dekabr kunlari Xorazm viloyati qo‘g‘irchoq teatri ijodkorlari Yangi yil bayram dasturlari doirasida Xiva shahri Markaziy archasi atrofida teatrlashtirilgan tomoshalar hamda spektakllar namoyishini tashkil etib, shahar aholisi va mehmonlariga haqiqiy bayramona kayfiyat bag‘ishlashdi.
