Xorazm viloyati qo‘g‘irchoq teatrida jamoada uzoq yillardan buyon faoliyat yuritib kelayotgan fidoyi xodim — teatrning sahnalashtirish bo‘limi mudiri Xasiyatxan Yaqubovaning 60 yillik yubiley tadbiri keng nishonlandi. Teatr rahbariyati va jamoasi nomidan yubiley munosabati bilan X. Yaqubova nomiga iliq fikr va tilaklar yo‘llandi. Yakunda tantana sohibasiga ma’muriyat tomonidan esdalik sovg‘alari taqdim etildi.
Prezidentimizning tegishli topshiriqlari asosida haftaning har payshanba kuni ”Yoshlar kuni” deb e’lon qilingani munosabati bilan 2026-yil 26-fevral sanasida Xorazm viloyati qo‘g‘irchoq teatri direktori D.Atabayev Xorazm viloyati hududidagi ixtisoslashtirilgan o‘quv muassasalarida ta’lim oluvchi o‘quvchi yoshlar bilan uchrashuvlar o‘tkazdi.
Ushbu uchrashuvlar belgilangan tartibda tuzilgan grafik asosida teatr binosida tashkil qilindi.
Unda Urganch shahri va tumani, Xiva shahri hamda Xonqa, Bog‘ot va boshqa hududlarda joylashgan ixtisoslashtirilgan maktab-internatlari o‘quvchi yoshlari ishtirok etishib, o‘zlarini qiziqtirgan savollarga batafsil javob olish imkoniyatiga ega bo‘lishdi.
Grafikda ko‘rsatilgan vaqtlarda har bir ta’lim muassasasi yoshlari bilan alohida uchrashuv doirasida ularning qiziqishlari, muammolari va takliflari o‘rganilib, teatr rahbari tomonidan tegishli maslahat va tavsiyalar berildi.
2026-yil 24-fevral kuni Xorazm viloyati qo’g’irchoq teatri bir guruh ijodkorlari viloyatimizning chekka hududlaridan hisoblangan Yangibozor va Gurlan tumanlaridagi Ixtisoslashtirilgan maktablar bo‘ylab ijodiy safarlari doirasida teatr repertuaridagi «Sayyor teatr tomoshalari» spektaklini namoyish etishdi.
2026-yil 24-fevral kuni Xorazm viloyati qo’g’irchoq teatri tomosha zalida Xiva tumanidagi MTTlardan tashrif buyurgan bolajonlar uchun teatr repertuaridagi eng sara spektakllar namoyish etildi. Sarguzashtlarga boy va qiziqarli sahna asarlari tomoshabinlarga katta taassurotlar bag’ishladi.
