#Gastrol
Xorazm viloyati qo‘g‘irchoq teatri bir guruh ijodkorlari 2025-yil 25-29 iyun kunlari Sankt-Peterburg shahrida o‘tkazilgan «Xalqaro qo‘g‘irchoq va sintetik teatrlarining KUKART XVII festivali» doirasida teatr repertuaridagi milliy an’analarimiz aks etgan «Xiva lazgisi»spektaklini namoyish etishib, butun festival qatnashchilarini tom ma’noda qoyil qoldirishdi. Yakunda Xorazm viloyati qo’g’irchoq teatri mazkur festivaldagi munosib ishtiroki uchun tashkilotchilar tomonidan nufuzli Kumush Diplom (Серебряный Диплом) bilan taqdirlandi.
@Xorazmkukol
Xorazm viloyati qo‘g‘irchoq teatri 2025-yil repertuar rejasining II choragiga kiritilgan U. Otajonovning «Ona zamin» spektakli (rejissor O. Rahimov) O‘zbekiston Respublikasi Madaniyat vazirligi huzuridagi teatrlar faoliyati bo‘yicha Badiiy kengash a’zolari ishtirokida ko‘rib chiqildi. Yangi spektakl ko‘rigi va muhokamasi o‘tkazilgandan keyin mutaxassislar tomonidan ma’qullanib, repertuarga qabul qilinib, premyeraga ruhsat berildi.
@Xorazmkukol
Xorazm viloyati qo‘g‘irchoq teatri bir guruh ijodkorlari Rossiya Federatsiyasining Kareliya Respublikasi Petrozavodsk shahriga gastrol safari doirasida milliyligimiz namunasi bo‘lgan «Xiva lazgisi» spektakli namoyishi orqali barcha tomoshabinlarga yuqori kayfiyat, xayrat va bir olam taassurotlar ulashish vazifasini ortig‘i bilan uddalashdi. Spektaklni mezbon tomon va barcha tomoshabinlar juda katta qiziqish va olqishlar bilan kutib olishdi.
@Xorazmkukol
Yoz mavsumini mazmunli o‘tkazishga qaratilgan tegishli topshiriq vazifalarni amalga oshirish bo‘yicha chora-tadbirlar asosida 2025-yil 25-iyun kuni teatrning bir guruh ijodkorlari viloyatimizning eng chekka hududi hisoblangan Tuproqqal’a tumaniga ijodiy safar uyushtirib, hududdagi «Nilufar» nomli sog‘lomlashtirish oromgohi o‘smirlari va bolajonlari uchun teatr repertuaridagi «Afandi hangomalari» spektaklini namoyish etgan holda, ushbu maskanda hordiq chiqarayotgan 120 nafar dam oluvchilarga katta taassurotlar bag‘ishlashdi.
@Xorazmkukol
#Gastrol
Xorazm viloyati qo‘g‘irchoq teatri jamoasi Rossiya Federatsiyasining Kareliya Respublikasi Petrozavodsk shahriga gastrol safari doirasida teatr repertuaridagi milliy an’analarimiz tarannum etilgan «Xiva lazgisi» spektaklini namoyish etib, tomoshabinlar olqishiga sazovor bo‘ldi. Teatr jamoasi Kareliya Respublikasi Madaniyat vazirining «Tashakkurnoma» si bilan taqdirlanishdi.
@Xorazmkukol
