2025-yil 22-fevral kuni Xorazm viloyati qo‘g‘irchoq teatri direktori, O‘zbekiston Respublikasida xizmat ko‘rsatgan madaniyat xodimi Davronbek Atabayevning 60 yillik yubiley shodiyonasi keng nishonlandi. Unda O‘zbekiston Respublika Madaniyat vazirligi, Xorazm viloyati Hokimligi, Xorazm viloyati Madaniyat boshqarmasi, Xiva shahar Hokimligi rahbariyati hamda keng jamoatchilik vakillari ishtirok etishdi. Davronbek Atabayevga eng ezgu tilaklar bildirilib, Madaniyat vaziri nomidan «Madaniyat va san’at fidokori» ko‘krak nishoni tantanali ravishda topshirildi. Shuningdek, mahalliy hokimliklar, soha xodimlari va boshqa tashkilotlar tomonidan esdalik sovg‘alari taqdim etildi.
2025-yil 22-fevral kuni Xorazm viloyati qo‘g‘irchoq teatri tomosha zalida teatrning jori yil repertuar rejasi I choragiga kiritilgan «Laylak va Qo‘riqchi» (mualllif B. Rahimov, rejissor G. Yusupova) spektaklining O‘zbekiston Respublika Madaniyat vazirligi huzuridagi badiiy kengashga taqdimoti o‘tkazildi.
Vazirlik mutaxassislarining xulosasi bilan yangi spektakl repertuarga qabul qilinib, namoyish etishga ruhsat berildi.
2025-yil 21-fevral kuni Xorazm viloyati qo‘g‘irchoq teatri xodimlari «Milliy liboslar kuni» loyihasi asosida milliy liboslarimizdan keng foydalangan holda o‘zligimizga, qadryatlarimizga bo‘lgan hurmatlarini ifoda etishdi.
2025-yil 20-fevral kuni Xorazm viloyati qo‘g‘irchoq teatri tomosha zalida Xiva shahridagi umumiy o‘rta ta’lim maktab o‘quvchilari uchun teatr repertuaridagi tarixiy ahamiyatga ega «Layli va Majnun» (Muallif H.Rasul, rejissor Sh.Yusupov) spektakli namoyish etildi. Vatanparvarlik ruhidagi mazkur sahna asari tomoshabinlarga manzur bo‘ldi.
@Xorazmkukol
2025-yil 19-fevral kuni Xorazm viloyati qo‘g‘irchoq teatri tomosha zalida Xiva shahridagi umumiy o‘rta ta’lim maktablaridan tashrif buyurgan o‘quvchilar uchun teatr repertuaridagi tarixiy ahamiyatga ega Alisher Navoiy dostoni asosidagi «Layli va Majnun» spektakli namoyishi o‘tkazildi.
@Xorazmkukol
